سابق کپتان محمد حفیظ نے بابر اعظم سے اوپننگ کرانے کی مخالفت کر دی

(24 نیوز) قومی ٹیم کے سابق کپتان و ڈائریکٹر محمد حفیظ نے بابراعظم کو چیمپئینز ٹرافی میں بطور اوپنر کھلانے کی مخالفت کردی۔

تین ملکی سیریز میں پاکستان نے تین میچز کھیلے جس میں بابراعظم نے فخر زمان کے ساتھ اوپننگ کی تاہم وہ تین اننگز میں بالترتیب 10، 23 اور 29 کے معمولی سکور بنا سکے۔

قبل ازیں سلیکشن کمیٹی نے سکواڈ کا اعلان کیا تو انجرڈ صائم ایوب کی جگہ کہنا تھا اوپننگ کیلئے بابراعظم یا سعود شکیل کو موقع دیا جائے گا تاہم سہ ملکی سیریز میں بابر اوپننگ کرتے نظر آئے۔

مزید پڑھیں:کرکٹ کےکئی اہم کھلاڑی چیمپئنز ٹرافی میں نظر نہیں آئیں گے

 سابق کپتان محمد حفیظ نے بابراعظم کی حالیہ فارم کو دیکھتے ہوئے مشورہ دیا کہ سلیکشن کمیٹی کو چاہیے وہ سٹار بیٹر کو نمبر 3 پر کھلائیں اور عبداللہ شفیق، امام الحق یا شان مسعود کو چیمپئنز ٹرافی 2025 کیلئے فخر زمان کیساتھ اوپن کروائیں اور اسکے لیے چیزیں آسان بنائیں۔