فہیم اشرف کی سلیکشن،رضوان خوش نہیں" بڑا انکشاف"

(24نیوز)قومی ٹیم کے سابق کرکٹر باسط علی نے دعویٰ کیا ہے کہ کپتان  محمد رضوان سکواڈ میں آل راؤنڈر فہیم اشرف کو شامل کیے جانے پر خوش نہیں ہیں۔ 

 اپنے یوٹیوب  چینل پر گفتگو کرتے ہوئے سابق کرکٹر باسط علی نے ٹیم مینجمنٹ کے فیصلوں پر مایوسی کا اظہار کرتے ہوئے کہا کہ میری سمجھ نہیں آرہا ہے کہ بابراعظم سے اننگز اوپن کروانے کا مشورہ کس نے دیا؟ میں اس فیصلے سے حیران ہوں، یہ کیسی سوچ ہے؟ وہ جنوبی افریقہ کے خلاف 50-70 رنز بنا کر تیسرے نمبر پر اچھی کارکردگی کا مظاہرہ کررہے تھے لیکن انہوں نے اپنی پوزیشن بدل دی،سہ ملکی سیریز میں پاکستان نے3 میچز کھیلے جس میں بابراعظم نے فخر زمان کے ساتھ اوپننگ کی تاہم وہ کچھ خاص نہ کرسکے، انہوں نے تینوں نے اننگز میں بالترتیب 10، 23 اور 29 کے معمولی سکور بنائے،انہوں نے کہا کہ اب سہ فریقی سیریز میں 3 میچز میں بابراعظم محض 62 رنز بناسکے، یہ انتظامیہ کا نقطہ نظر اور ذہنیت ہے۔

باسط علی نے دعویٰ کیا کہ کپتان محمد رضوان اسکواڈ میں آل راؤنڈر فہیم اشرف کو شامل کیے جانے پر خوش نہیں ہیں، انہوں نے صرف 2 اوورز کروائے اور جب دوبارہ بالنگ کروائی تو پاکستان تقریباً میچ ہار چکا تھا،سابق کرکٹر نے مزید کہا کہ ہم بھارت کے میچ کی بات کرتے رہتے ہیں  لیکن ہمیں پہلے نیوزی لینڈ کے بارے میں سوچنا چاہیے تھا ،کیا یہ ٹیم ان کے خلاف کھیلے گی؟ کیا پچ ایسی ہوگی؟ کیا سلمان آغا 10 اوورز کروائیں گے؟ کیا آپ خوشدل شاہ کھیلیں گے؟۔

 سلیکشن کمیٹی کا کہنا ہے کہ بابراعظم کو سچن ٹنڈولکر کا کردار دیا گیا ہے یہ کسی لیجنڈ کیساتھ بدتمیزی والا موقف ہوا، سہ ملکی سیریز کا فائنل ہارنے سے مورال ڈاؤن ہوا ہے اور ہمارا پہلا میچ ہی اُسی مہمان ٹیم کیخلاف ہے۔

 واضح رہے کہ چیمپئینز ٹرافی کا آغاز 19 فروری سے ہوگا اور گرین شرٹس کو اپنے پہلے میچ میں نیوزی لینڈ کا چیلنج درپیش ہوگا جبکہ ایونٹ کا فائنل 9 مارچ کو کھیلا جائے گا۔

یہ بھی پڑھیں: بابر اعظم ایک اور اعزاز کے مالک بن گئے