سعودی خاتون کی 12 برس بعد بصارت بحال، کونسی خواہش پوری کی؟جانیے

(ویب ڈیسک)سعودی خاتون نوف الرشیدی 12 برس بعد بصارت بحال ہونے پر جذبات پر قابو نہ پا سکیں۔ بیماری کے باعث بینائی سے محروم ہو گئی تھیں۔
نوف الرشیدی نے یادوں کا ذکر کرتے ہوئے بتایا ’بڑی خواہش تھی کہ اپنے بیٹوں کی شادی دیکھوں اور گاڑی چلاؤں۔‘
نوف الرشیدی کی بینائی بیماری کے باعث چلی گئی تھی جس کے بعد انہوں نے 12 برس کا عرصہ مکمل اندھیرے میں گزارا۔
کنگ خالد سپیشلسٹ آئی ہسپتال میں آپریشن کامیاب رہا جس پر وہ بے حد خوش ہیں۔ان کا کہنا ہے کہ ’رب تعالٰی نے میری فریاد سن لی اور مجھے دوبارہ بینائی مل گئی۔‘

یہ بھی پڑھیں:انجری کا شکاراہم کھلاڑی چیمپئینز ٹرافی کیلئے فٹ قرار،کرکٹ کی میدان سے بڑی خبر آگئی
نوف الرشیدی نے بینائی ملتے ہی تینوں بیٹوں کی ایک ہی دن شادی طے کر دی۔ ان کی سب سے بڑی خواہش تھی مدینہ منورہ سے ریاض اپنی گاڑی ڈرائیو کرکے جاؤں جسے بینائی ملنے کے بعد انہوں نے پورا کیا۔
ماہر امراض چشم ڈاکٹر سامی حمید کا کہنا ہے گھروں میں صفائی کیلئے استعمال ہونے والا بعض کیمیائی مواد انتہائی خطرناک ہوتا ہے جو آنکھوں میں لگنے سے بینائی کو ختم کر سکتا ہے۔
اس لیے خواتین کو چاہیے کہ وہ خصوصی احتیاط برتیں خاص کر جب برتن وغیرہ دھو رہی ہوں یا گھر کی صفائی کیلئے کیمیکل استعمال کریں۔

یہ بھی پڑھیں:محکمہ موسمیات نے بارش و برفباری کی نوید سنا دی