’دی گرل آن ٹرین‘ پریانکا چوپڑہ کی اپنی کزن اداکارہ  کی تعریفیں

(24 نیوز)بھارتی اداکارہ پریانکا چوپڑہ نے اپنی چچازاد بہن پرینیتی چوپڑہ کی آنے والی فلم ’دی گرل آن ٹرین‘ کے ٹریلر کی تعریف کے پل باندھ دیئے۔

میڈیا رپورٹ کے مطابق پرینیتی چوپڑہ کی فلم ’دی گرل آن ٹرین‘ کا ٹریلر ریلیز کردیا گیا ہے،فلم کو  ربھو داس گپتا نے ڈائرکٹ کیا ہے۔پرینیتی کی کزن پریانکا چوپڑہ نے ٹریلر دیکھر کر ان کی بہت تعریف کی ہے۔پریانکا نے ٹریلر شیئر کرکے لکھا ہے کہ ’تم پر فخر ہے مائی گرل‘ اسے دیکھنے کا انتظار ہے۔

Proud of my girl. Can’t wait to see more @ParineetiChopra ???? https://t.co/HkEmi7HIyQ

— PRIYANKA (@priyankachopra) January 13, 2021

واضح رہےکہ’دی گرل آن ٹرین‘ 26 فروری کو نیٹ فلکس پر ریلیز ہوگی۔یہ فلم انگیرزی فلم دی گرل آن ٹرین کا ری میک ہے۔فلم میں پرینیتی کے ساتھ آدیتی راؤ حیدری اور کیرتی کلہاری بھی اہم کرداروں میں ہیں۔دونوں اداکاراؤں نے اپنے لُک سوشل میڈیا میں شیئر کئے ہیں۔کیرتی کلہاری فلم میں برٹش پولیس افسر کے کردار میں نظر آئیں گی۔کیرتی نے اپنا لُک شیئر کرکے لکھا جب آپ سچ کے پیچھے ہوتے ہو اور آپ کو پتہ نہیں چلتا ہے۔
بھارتی فلم’دی گرل آن ٹرین‘ ایک ایسی لڑکی میرا کی کہانی ہے جو روز ٹرین سے سفر کرتے ہوئے ٹرین سے ایک کنبے کو خوشحال زندگی جیتے ہوئے دیکھتی ہے لیکن ایک دن وہ کچھ ایسا دیکھتی ہے کہ اس کی زندگی میں ہلچل مچ جاتی ہے اور وہ سچ جاننے کی کوشش کرنے لگتی ہے۔