سی ڈی اے میں بڑے پیمانے پر اکھاڑ پچھاڑ 

(24نیوز)وفاقی ترقیاتی ادارے سی ڈی اے میں بڑے پیمانے پر اکھاڑ پچھاڑ کر دی گئی،سی ڈی اے نے تقرر و تبادلوں کے نوٹیفکیشن جاری کر دیئے۔

تفصیلات کے مطابق انفارمیشن گروپ گریڈ 18کے آصف علی رضا ڈائریکٹر پبلک ریلیشنز تعینات کر دیئے گئے,عاصم قدیر کو ڈائریکٹر پبلک ریلیشنز کے عہدے سے ہٹا کر ڈائریکٹر کوآرڈینیشن تعینات کردیاگیا، ڈپٹی ڈائریکٹر فنانس ون خواجہ ناصر کو ڈپٹی ڈائریکٹر ریونیو کا اضافی چارج تفویض کردیاگیاجبکہ ڈپٹی ڈائریکٹر بی سی ایس ڈائریکٹوریٹ اعجاز الحسن عہدے سے ہٹا دیئے گئے۔
اعجاز الحسن کو ایچ آر ڈی رپورٹ کرنے کی ہدایت کردی گئی ، اسسٹنٹ ڈائریکٹر پبلک ریلیشنز کامران اسلم کو اسسٹنٹ ڈائریکٹر لینڈ ، ایجوکیشن آفیسر جویریہ مقبول کو اسسٹنٹ ڈائریکٹر او ڈبلیو او ،گریڈ 18کے ظفر حسین شاہ کو پی ایس ٹو ممبر سٹیٹ تعینات کردیاگیا۔
عمران بلوچ پی ایس ممبرسٹیٹ سے پی اے ڈی جی ہیومن ریسوریسز ڈائریکٹوریٹ تعینات کر دیئے گئے، ایڈمن افسرسٹیٹ محسن ظہیر کو اسسٹنٹ ڈائریکٹر ون کونفیڈینشل سیل کا عارضی چارج تفویض کردیاگیا،ایڈمن افسر پلاننگ عمران کھوکھر ایڈمن افسرسٹیٹ ، ڈپٹی ڈائریکٹر سٹرکچر عثمان راشد ڈپٹی ڈائریکٹر بی سی ایس ڈائریکٹوریٹ (2)،مدثر پرویز ڈپٹی ڈائریکٹر بی سی ایس ڈائریکٹوریٹ 2 سے ڈپٹی ڈائریکٹر سٹرکچر تعینات کر دیئے گئے.