جنوبی افریقہ کیخلاف ٹیسٹ سیریز کیلئے 20 رکنی قومی اسکواڈ کا اعلان

(24نیوز) قومی کرکٹ ٹیم کے چیف سلیکٹر محمد وسیم نے جنوبی افریقہ کے خلاف ٹیسٹ سیریز کیلئے20 رکنی سکواڈ کا اعلان کر دیا ہے۔
نیوزی لینڈ کے خلاف خراب کارکردگی دکھانے پر شان مسعود، نسیم شاہ، محمد عباس، ظفر گوہر اور حارث سہیل کو ٹیم سے ڈراپ کر دیا گیا ہے۔ڈومیسٹک سیزن میں عمدہ کارکردگی دکھانے پر آغا سلمان، تابش خان، حسن علی، ساجد خان، نعمان علی، محمد نواز، سعود شکیل اور کامران غلام کو 20 رکنی سکواڈ میں شامل کیا گیا ہے۔
دیگر کھلاڑیوں میں کپتان بابراعظم، عابد علی، اظہر علی، فواد عالم ، سرفراز احمد، فہیم اشرف، یاسر شاہ، عبد اللہ شفیق، حارث رؤف اور محمد رضوان شامل ہیں۔اس موقع پر چیف سلیکٹرمحمد وسیم کا کہنا تھا کہ کارکردگی کی بنیاد پر سلیکشن ہوتی ہے ، ڈومیسٹک کی کارکردگی وزن رکھتی ہے۔