چند ماہ میں خطے کی سستی ترین بجلی فراہم کریں گے: وزیر توانائی

(24نیوز)وفاقی وزیر توانائی سردار اویس لغاری نے کہا کہ حکومتی اصلاحات کے ثمرات مل رہے ہیں،چند ماہ میں خطے کی سستی ترین بجلی فراہم کریں گے۔

اسلام آباد میں  نیوز کانفرنس سے خطاب کرتے ہوئےاویس لغاری کا کہنا تھا کہ بجلی تقسیم کار کمپنیوں کے نقصانات میں بھی کمی آ رہی ہے ،گاڑیوں کے چارجنگ اسٹیشنز کیلئے ٹیرف 45 فیصد کم کردیا ہے ،چارجنگ اسٹیشنز کا ٹیرف 71 روپے 10پیسے سے کم کر کے 39 روپے 70 پیسے کر رہے ہیں،ہم نے ای چارجنگ اسٹیشنز کے قواعد و ضوابط بنا رہے ہیں۔

اویس لغاری نے مزید کہا کہ صنعتی اور اقتصادی زونز کا طریقہ کار تبدیل کر دیا ہے،الیکٹرک وہیکلز کو فروغ دینے کیلئے اقدامات کر رہے ہیں۔