وینا ملک نے مفتی قوی کو ایک بار پھرکھری کھری سنادیں
کسی کو کوئی حق نہیں کہ میرے کام کے بارے میں کھلے عام تنقید کرے، جو چاہوں کر سکتی ہوں
Stay tuned with 24 News HD Android App
(ویب ڈیسک)معروف اداکارہ وینا ملک نے ایک بارپھر مفتی عبدالقوی کو کھری کھری سنادیں ۔
وینا ملک نے حال ہی میں ایک نجی ٹی وی کے شو میں بطور مہمان شرکت کی جہاں مختلف موضوعات پر دلچسپ گفتگو کی۔
ویناملک نے مفتی قوی سے متعلق پوچھے گئے سوال کے جواب میں کہا کہ مفتی قوی کو کوئی حق نہیں کہ وہ میرے کام کے بارے میں ٹیلی ویژن پر کھلے عام تنقید کریں، میرے پاس آزادی ہے کہ اپنی مرضی سے جو بھی کرنا چاہوں کر سکتی ہوں۔
اداکارہ نے اپنے مذہبی سفر پر سوال اٹھانے والے ناقدین سے سوال کیا کہ یہ کہاں لکھا ہے کہ اسکرٹ پہننے کے بعد اللّٰہ سے معافی نہیں مانگی جا سکتی؟میں نے حجاب پہننے کا فیصلہ اپنے اندر ہونے والی روحانی تبدیلی کی بنیاد پر کیا تھا، میں دل سے ابھی بھی ویسی ہی انسان ہوں جیسی پہلے تھی۔
واضح رہے کہ اداکارہ نے اس سے قبل ایک پوڈ کاسٹ میں مفتی قوی کے ساتھ ماضی میں ہونے والے تنازع کے بارے میں بھی بات کرتے ہوئے کہاتھاکہ مفتی قوی تمام اداکاراؤں پر خفیہ طور پر نظر رکھتے ہیں، ان کے سب ڈرامے بھی دیکھتے ہیں، ایک بار مفتی قوی نے مجھ سے کہا کہ آپ کا تو حسن و جمال بھی ہے تو یہ جملہ سن کر میں نے ان سے پوچھا کہ آپ کو کیسے پتہ چلا کہ میرا حسن و جمال بھی ہے؟ میرے اس سوال پر وہ بھڑک گئے تھے۔
یہ بھی پڑھیں:ہالی ووڈ اداکارہ جیسیکا سمپسن اورایرک جونسن کے درمیان علیحدگی
واضح رہے کہ مفتی قوی نے ماضی میں ایک مرتبہ اداکارہ پر تنقید کرتے ہوئے کہا تھا کہ وینا ملک اپنے بچوں کے ساتھ بیٹھ کر اپنا بگ باس جیسا شو دیکھ سکتی ہیں؟اس پر اداکارہ نے کہاتھا کہ میرے بچے میرے کام سے بخوبی واقف ہیں اور وہ میرے ساتھ سب کچھ دیکھ سکتے ہیں۔