(طیب سیف)پاکستان تحریک انصاف نے 8فروری کو یوم سیاہ منانے کا اعلان کرتے ہوئے احتجاج کی تیاری کی ہدایت کردی،بانی پی ٹی آئی نے پارٹی قیادت کو مولانا فضل الرحمان کے خلاف بیانات سے روک دیا۔
ذرائع کا کہنا ہے کہ بانی پی ٹی آئی علی امین گنڈاپور اور شیخ وقاص اکرم سے ناخوش ہیں،عمران خان نے وکلا کے ساتھ ملاقات میں گنڈاپوراورشیخ وقاص کا ذکر کیا،بانی پی ٹی آئی نے کہا شیخ وقاص اکرم پارٹی کے انفارمیشن سیکرٹری ہیں گنڈاپورکے نہیں۔
ذرائع کے مطابق عمران خان نے کہا علی امین گنڈاپورکوکہنا ڈیرہ اسماعیل خان سے باہرنکل آئے، بانی پی ٹی آئی نے وکیل کوشیخ وقاص اورعلی امین گنڈاپورکو پیغام دینے کی ہدایت کی۔
یہ بھی پڑھیں:انگلش کرکٹر نے پی ایس ایل کیلئے فرسٹ کلاس کرکٹ چھوڑ دی
ذرائع کا مزید کہنا تھا کہ بانی پی ٹی آئی نے 8 فروری کو یوم سیاہ منانے کا اعلان اور احتجاج کرنے کا تیاری کی ہدایت کر دی،عمران خان نے پارٹی قیادت کو مولانا فضل الرحمان کے خلاف بیانات سے روک دیا،بانی پی ٹی آئی نے پارٹی قیادت کو شاہد خاقان عباسی سمیت تمام اپوزیشن رہنماؤں کو اعتماد میں لینے کی ہدایت کردی۔
ذرائع کے مطابق بانی پی ٹی آئی نے کہا افغانستان اور کے پی میں دہشت گردی پر ہمارا اور مولانا کا ایک موقف ہے، بانی پی ٹی آئی نے کہا شیخ وقاص اکرم علی امین کی نہیں پارٹی کی ترجمانی کرے، بانی نے کہا ہے کے پی حکومت کا ترجمان بیرسٹر سیف ہے۔
یہ بھی پڑھیں:ڈالر کو کنٹرول کرنے کی ساری تدبیریں ناکام ،قیمت میں پھر اضافہ ہو گیا