پراسیکیوٹر جنرل پنجاب کیخلاف پیڈا ایکٹ کے تحت کارروائی کا فیصلہ 

(علی رامے) پراسیکیوٹر جنرل پنجاب چوہدری خلیق الزمان کیخلاف پیڈا ایکٹ کے تحت کارروائی کا فیصلہ کیا گیا ہے۔

ذرائع کے مطابق نگران حکومت نے سیکرٹری پبلک پراسیکیوشن کو قانون کے مطابق کارروائی کی اجازت بھی دے دی ہے جس کے بعد پبلک سیکرٹری پراسیکیوشن کرمنل پراسکیوشن سروس ایکٹ کے مطابق کارروائی کا آغاز کریں گے۔

یہ بھی پڑھیے: ایڈووکیٹ جنرل اسلام آباد جہانگیر جدون نے استعفیٰ دے دیا

ذرائع کا یہ بھی کہنا ہے کہ پراسیکیوٹر جنرل پنجاب کی پرسنل ہیرنگ کرکے الزامات ثابت ہونے کے بعد پیڈا ایکٹ لگایا جائے گا۔

خیال رہے کہ چوہدری خلیق الزمان نے اپنے ایک بیان میں سابق وزیراعلیٰ پرویز الہیٰ کی گرفتاری کو غیرقانونی قرار دیا تھا، خلیق الزمان نے چوہدری فواد حسین کے حکومت کیخلاف کیس پر بھی غیرمناسب رویہ اپنایا تھا جبکہ نگران حکومت نے پہلے ہی پراسیکیوٹر جنرل پنجاب کو معطل بھی کر رکھا ہے۔