کامیابی والدہ کی محنت اور تربیت کا نتیجہ، نو منتخب میئر کراچی مرتضیٰ وہاب

(24 نیوز)نومنتخب میئر کراچی مرتضیٰ وہاب کی والدہ کی قبر پر حاضری، کامیابی کو والدہ کی محنت اورتربیت کانتیجہ قراردے دیا ۔
تفصیلات کے مطابق پاکستان پیپلز پارٹی کے سینئررہنما مرتضیٰ وہاب  نے میئر کراچی منتخب ہونے کے بعد اپنی والدہ کی قبر پر حاضری دی ہے، پی پی رہنما نے قبر پر حاضری کی تصویر شیئر کرتے ہوئے  پیغام لکھا کہ میری امی   آپ کی محنت اور آپ کی تربیت کا نتیجہ ہے،  پروردگار آپ کی مغفرت فرمائے اور مجھے آپ کا اور ابا کا نام روشن کرنے کی توفیق عطا فرمائے۔

میری امی ❤️ آپ کی محنت اور آپ کی تربیت کا نتیجہ ہے۔ پروردگار آپ کی مغفرت فرمائے اور مجھے آپ کا اور ابا کا نام روشن کرنے کی توفیق عطا فرمائے۔ والدین سے بڑی نعمت کوئی نہیں۔ میری طرف سے اپنے والدین کو ایک زور کی جھپی دیں۔ pic.twitter.com/atB32y6045

— Murtaza Wahab Siddiqui (@murtazawahab1) June 15, 2023

 میئر کراچی مرتضیٰ وہاب نے اپنی ٹویٹ میں مزید لکھا کہ والدین سے بڑی نعمت کوئی نہیں،  میری طرف سے اپنے والدین کو ایک زور کی جھپی دیں ، واضح رہے کہ مرتضیٰ وہاب کی والدہ فوزیہ وہاب بھی پیپلزپارٹی کی اہم رہنما تھیں۔