(24 نیوز)قازقستان میں ایک فوجی طیارہ حادثے کا شکار ہوگیا جس کے نتیجے میں 4 افراد ہلاک اور 2 زخمی ہوگئے۔
غیر ملکی خبررساں ادارے رائٹرز کے مطابق قازقستان کے شہر الماتے میں یہ حادثہ طیارے کی لینڈنگ کے وقت پیش آیا۔ میڈیا رپورٹس کے مطابق قازقستان کا فوجی طیارہ دارالحکومت نور سلطان سے شہر الماتے کی جانب جارہا تھا۔ اس طیارے میں6 افراد سوار تھے۔ حادثے کے نتیجے میں 4 افراد کی ہلاکت اور 2 کے زخمی ہونے کی اطلاعات ہیں۔ طیارہ رن وے کے آخرے حصے پر کریش ہوگیا۔ طیارے کے کریش ہونے کی فوری کوئی وجہ سامنے نہیں آسکی ہے۔روسی خبر رساں ایجنسی کے مطابق ہیلتھ ڈیپارٹمنت قازقستان کے عہدیداروں نے بتایا ہے کہ طیارے کے حادثے کے دوران عملے کے 2افراد زندہ بچ گئے ہیں۔ مقامی میڈیا نے ایئرپورٹ حکام کے حوالے سے بتایا ہے کہ طیارہ ملک کے سب سے بڑے شہر الماتے کے ہوائی اڈے پر لینڈنگ کے دوران رن وے سے بھٹکتے ہوئے گر کر تباہ ہوگیا۔