کورونا کا کھیل پر بھی وار۔۔ کراٹے چیمپئن شپ ملتوی

(24نیوز) کورونا وائرس کے بڑھتے ہوئے  کیسز کی وجہ سے یکم اپریل سے شیڈول نیشنل کراٹے چیمپئن شپ ملتوی کردی گئی ہے۔

بڑھتے ہوئے کورونا کیسز کی وجہ سے یکم اپریل سے شیڈول نیشنل کراٹے چیمپئن شپ ملتوی کردی گئی ۔ چیئرمین  کراٹے فیڈیریشن محمد جہانگیر کے مطابق کھلاڑیوں کی صحت اورحفاظت اولین ترجیح ہے۔ گزشتہ برس بھی کوویڈ کی وجہ سے چیمپئن شپ نہیں کرواسکے تھے اس بار بھی مجبوری میں یہ فیصلہ کرنا پڑا ۔چیمپئن شپ میں تین سو سے زیادہ مردو اور خواتین کھلاڑیوں نے شرکت کرنی تھی۔ یہ مقابلے یکم سے چار اپریل تک لاہورمیں طے تھے۔ محمد جہانگیرکے مطابق کورونا کی صورتحال بہتر ہونے پرنیشنل چیمپئن شپ کی نئی تاریخوں کا اعلان کیا جائے گا۔