معروف ریسلر  چل بسے

(ویب ڈیسک)ریز رریمن کے نام سے شہرت پانے والے ڈبلیو ڈبلیو ای کے لیجنڈ ریسلر سکاٹ ہال 63 سال کی عمر میں  دنیا چھوڑ گئے۔

 غیر ملکی میڈیا رپورٹس کے مطابق معروف ریسلر سکاٹ ہال کو سرجری کیلئے ہسپتال منتقل کیا گیا تھا تاہم  سرجری کے دوران  شدید پیچیدگیاں پیدا ہوئیں جس کی وجہ سے انہیں 3 دل کے دورے پڑے جو جان لیوا ثابت ہوئے۔

خیال رہے کہ ہسپتال میں سکاٹ ہال کی طبعیت بگڑنے کے بعد انہیں  لائف سپورٹ پر رکھا گیا تھا تاہم حالت میں بہتری نہ آنے کے بعد فیملی نے لائف سپورٹ سے ہٹانے کا فیصلہ کیا تھا،سکاٹ ہال کی موت سے قبل معروف ریسلر کیون نیش نے کہا کہ  میں ایک ایسے شخص کو کھونے جا رہا ہوں جس کے ساتھ میں نے اپنی زندگی کا زیادہ حصہ  ساتھ گزارا ہے، اس کی محبت کو کبھی نہیں بھول پاؤں گا۔

یہ بھی پڑھیں: روم میٹ کو قتل کرنیوالے ملزم کو عدالت نے بڑی سزا سنا دی