شاداب کی جانب سے کون رشتہ لیکر آیا؟ثقلین مشتاق نے بیٹی کی شادی سے متعلق اہم انکشافات کر دیئے

(24نیوز )قومی کرکٹ ٹیم کے سابق کوچ اور مایہ ناز سپنر ثقلین مشتاق نے آل راؤنڈر شاداب خان کو داماد بنانے سے متعلق خوبصورت واقعات کا احوال بیان کیاہے ۔

تفصیلات کے مطابق معروف یوٹیوبر نادر علی کو انٹرویو دیتے ہوئے ثقلین مشتاق نے بتایا کہ شاداب خان کے گھر سے ان کے والدین رشتہ لے کر آئے اور انہوں نے بتایا کہ  شاداب نے بہو تلاش کرنے کی ذمہ داری ہمارے کندھوں پر ڈالی ہے اور  مجھے اس بات کی خوشی ہوئی کہ اس دور میں بھی اولاد نے اپنا ہمسفرچننے کی ذمہ داری والدین کے سپرد کر رکھی ہے ۔

ایک سوال کے جوا ب میں ثقلین مشتاق نے بتایا کہ انہوں نے شاداب خان کو جتنے عرصے قومی ٹیم میں دیکھا اس میں کوئی برائی نظر نہیں آئی بلکہ اسکے برعکس نمازی تھا جس نے مجھے بہت قائل کیا اور نماز کے ٹائم پر یہ دوسرے لڑکوں کو بھی کہتا تھا کہ چلو آو بھئی نماز کا ٹائم ہو گیا ہے نماز پڑھیں ۔

  ثقلین مشتاق نے بتایا کہ رشتہ آنے کے بعد سوچنے کیلئے 2 دن کی مہلت مانگی جس کے بعد منگنی ہوئی اور اگلے 2روز بعد نکاح ہوگیا جسے میں نے پڑھایا، اپنی بیٹی کا نکاح پڑھانے کی کیفیت بیان نہیں کرسکتا، سابق کرکٹر نے اعتراف کیا کہ قومی ٹیم کی کوچنگ کے دوران تمام نوجوان کرکٹرز نے بہت عزت دی۔