"بندی"لگاکر"ہولی"کی مبارکباددینے پر ہانیہ عامرکوشدیدتنقیدکاسامنا
Stay tuned with 24 News HD Android App
(ویب ڈیسک)خوبرو اداکارہ و ماڈل ہانیہ عامر نے بندی لگا کر اپنے ہندو مداحوں کو ان کے مذہبی تہوار ہولی کی مبارک باد دی ہے۔
سوشل میڈیا پلیٹ فارم انسٹاگرام پر 17.9 ملین فالوورز رکھنے والی اداکارہ ہانیہ عامر آج کل برطانیہ میں موجود ہیں جہاں سے انہوں نے ہندوؤں کے تہوار ہولی کے موقع پر اپنے ہندو مداحوں کو مبارک باد دینے کے لیے ماتھے پر بندی سجالی ۔
"ڈمپل گرل" نے انسٹاگرام پرایک نئی پوسٹ شیئر کی ہے جس میں اپنی متعدد تصاویر اپ لوڈ کی ہیں،ان تصاویر میں انہیں بندی لگائے ہوئے دیکھا جا سکتا ہے۔
اداکارہ نے اپنی اس پوسٹ کے کیپشن میں لکھا کہ ایک عقل مند آدمی نے ایک بار حقائق پر بات کرتے ہوئے کہا کہ کوئی برائی نہ سنو، کوئی برائی نہ دیکھو اس لیے میں برا نہیں بولتی،"ہولی" کا جشن منانے والوں کو مبارک ہو۔
اداکارہ کی اس پوسٹ پر سوشل میڈیا صارفین ہانیہ عامر کے بندی لگانے پر اپنی اپنی رائے کا اظہار کر رہے ہیں۔
ایک صارف نے لکھا کہ ہندوؤں کے کلچر میں گھس رہی ہیں، اِن سے پوچھو کہ آخری بار نماز کب پڑھی تھی؟ ایک اور صارف نے کہا کہ ہانیہ جان بوجھ کر کوئی نہ کوئی شوشہ چھوڑتی رہتی ہے تاکہ زیادہ سے زیادہ کمنٹس آئیں اور انہیں reach ملے۔
کسی صارف نے لکھا کہ بِندی کا تعلق کسی مخصوص مذہب سے نہیں جیسے قمیض شلوار صرف مسلمانوں کا لباس نہیں ہے، ایک دوسرے کے تہواروں میں شرکت سے ہی دوریاں مٹ سکتی ہیں۔
ہانیہ عامر کو اس پوسٹ پر ناصرف تنقید کا سامنا کرنا پڑ رہا ہے بلکہ کچھ انٹرنیٹ صارفین اداکارہ کو ان فالو کرنے کا بھی کہہ رہے ہیں۔