( 24 نیوز )سوال: میرا ایک شیرخوار بچہ ہے، جسے میری اہلیہ دودھ پلاتی ہیں اور کچھ ہلکی غذائیں بھی وہ کھاتا ہے، اب رمضان میں اہلیہ کے لیے روزے رکھنے کا کیا حکم ہو گا؟
یہ بھی بتائیں کہ روزے کی حالت میں بھی بچے کو دودھ پلاسکتی ہیں یا نہیں، اس سے روزے پر کوئی اثر پڑتا ہے یا نہیں؟
جواب: اگر آپ کی اہلیہ روزہ رکھ کر بچے کو دودھ اور دیگر مناسب غذا کے ذریعے اس کی خوراک پوری کر سکتی ہیں تو ان پر روزہ رکھنا فرض ہے۔
یہ بھی پڑھیں:بھارت میں سحری کے وقت فائرنگ، 1 شخص جاں بحق
اگر روزے کی حالت میں دودھ پلانے سے اہلیہ کے لیے صحت کے اعتبار سے غالب گمان کے اعتبار سے نقصان ہوتا ہو یا بچے کی غذا مکمل نہ ہو سکتی ہو تو اس صورت میں روزہ چھوڑنے کی گنجائش ہے، اس صورت میں آپ کی اہلیہ رمضان کے بعد ان روزوں کی قضا کریں گی۔
روزے کی حالت میں بچے کو دودھ پلانے سے روزہ نہیں ٹوٹتا۔