کرکٹر کامران اکمل کے والد کے فارم ہاؤس پر واردات، چور سولر اتار کر فرار

(24 نیوز )پاکستانی کرکٹرز کامران اکمل اور عمر اکمل کے والد کے فارم ہاؤس پر بڑی چوری کی واردات ہوئی ہے۔

ذرائع کے مطابق لاہور کے تھانہ ہیر کے علاقے میں نامور کرکٹر  سٹار بیٹسمین کامران اکمل اور عمر اکمل کے والد کے فارم ہاؤس پر چوری کی بڑی واردات ہوئی ہے، چور دن دہاڑے سولر اتار کر فرار ہو گئے۔

ذرائع کے مطابق چور مرکزی دروازے کا کنڈا توڑ کر فارم ہاوس میں داخل ہوئے تھے۔

کامران اکمل کے والد نے بتایا کہ فارم ہاؤس میں سولر سسٹم کل لگوایا تھا اور آج چور لے گیے۔

 یہ بھی پڑھیں:افغان کرکٹر حضرت اللہ زازئی کی نومولود بیٹی انتقال کرگئی

حکام کا کہنا تھا کہ ملزمان کو سی سی ٹی وی کیمروں اور دیگر ذرائع کی مدد سے ٹریس کرنے کی کوشش کی جا رہی ہے، ملزمان کو جلد گرفتار کرلیا جائے گا۔

 ایس پی کینٹ اویس شفیق نے کہا کہ فارم ہاؤس کے کوچ کاشف محمود کی مدعیت میں نا معلوم چور کے خلاف فوری مقدمہ درج کرلیا گیا۔

ذرائع نے بتایا کہ پولیس تاحال چوروں کا سراغ نہ لگا سکی، پولیس کا کہنا ہے کہ واقعہ کی قانونی کارروائی جاری ہے۔