پی ٹی آئی رہنماؤں کی بانی پی ٹی آئی سے ملاقات کی درخواست مسترد

(احتشام کیانی)پی ٹی آئی رہنماؤں جنید اکبر، شیر علی ارباب و دیگر کی بانی پی ٹی آئی سے ملاقات کی درخواست مسترد کر دی گئی،اسلام آباد ہائی کورٹ نے درخواست ناقابل سماعت قرار دیکر خارج کردی،جسٹس خادم حسین سومرو نے پی ٹی آئی رہنماؤں کی درخواست پر فیصلہ سنا دیا۔

فیصلے میں کہا گیا ہے کہ پی ٹی آئی رہنما بانی پی ٹی آئی سے ملاقات کیلئے بنائے گئے میکنزم پر عمل نہیں کررہے ، جیل سپرنٹنڈنٹ نے بانی پی ٹی آئی سے ملاقات کرنے والے 8 رہنماؤں کی فہرست پیش کی،سلمان اکرم راجہ ، بیرسٹر گوہر، سلمان صفدر اور نیاز اللہ نیازی کے نام فہرست میں شامل ہیں،بانی پی ٹی آئی سے ملاقات کرنے والوں میں نعیم پنجوتہ، شعیب شاہین ، ابو زر نیازی اور عزیر بھنڈاری کا نام بھی شامل  ہے۔

فیصلے میں مزید کہا گیا ہے کہ دس مارچ کو ان آٹھ رہنماؤں نے بانی پی ٹی آئی سے ملاقات کی تھی ،درخواست گزاروں نے ملاقات سے متعلق ایس او پی پر عمل نہیں کیا،درخواست ناقابل سماعت قرار دیکر خارج کی جاتی ہے ، درخواست گزار قانون کے مطابق ایس او پی پر عمل کرنے کیلئے پابند  ہیں۔

یہ بھی پڑھیں:عید پر نئے کرنسی نوٹ لینے والوں کیلئے اہم خبر