معروف اداکار و ڈرامہ نویس شعیب ہاشمی  انتقال کر گئے

(24نیوز)پاکستان کے معروف اداکار، ڈرامہ نویس اورپروفیسرشعیب ہاشمی  انتقال کر گئے۔

پاکستان کے معروف اداکار، ڈرامہ نویس اورپروفیسرشعیب ہاشمی کی طبیعت ناساز تھی،12 سال قبل شعیب ہاشمی پرفالج کا حملہ ہوا تھا جس کے بعد سے شعیب ہاشمی بسترپرتھے، نہ بول سکتے تھے اورنہ خود سے چل پھرسکتے  تھے، ان کی طبیعت میں کوئی مثبت تبدیلی نہیں آئی۔

شعیب ہاشمی نے 70 کی دہائی میں معروف ڈارمے لکھے اور ان میں کام کیا،  شعیب ہاشمی کے معروف ڈراموں میں اکڑبکڑ، سچ گپ، ٹال مٹول شامل ہیں، شعیب ہاشمی 1990 میں نجی اخبارمیں ٹال مٹول کے نام سے کالم نگاری کرتے رہے۔

شعیب ہاشمی کو 1995میں حسن کارکردگی کا ایوارڈ ملا اورتمغہ امتیازسے بھی نوازاگیا۔

یہ بھی پڑھیں: پیٹرولیم مصنوعات کی قیمتوں میں کمی،اوگرا  نے بڑا قدم اٹھا لیا