شہباز شریف کا بلاول کو فون ،پارلیمانی صورت حال کے حوالے سے گفتگو

(24نیوز)پاکستان پیپلزپارٹی کے چیئرمین بلاول بھٹو زرداری کو قائد حزب اختلاف شہباز شریف کا فون،چیئرمین بلاول بھٹو زرداری اور اپوزیشن لیڈر شہباز شریف کے درمیان پارلیمانی صورت حال کے حوالے سے تبادلہ خیال کیا گیا۔

تفصیلات کے مطابق چیئرمین بلاول بھٹو زرداری اور شہباز شریف نے پارلیمان کے مشترکہ اجلاس اور اپوزیشن کے لائحہ عمل پر بھی بات چیت کی اور کہا کہ پارلیمان کے ذریعے حکومت کی تمام پالیسیوں کو ناکام بنایا جاسکتا ہے۔

چیئرمین بلاول بھٹو زرداری نے کہا کہ پارلیمان وہ فورم ہے کہ جہاں عوامی نمائندگان عوام کا مقدمہ لڑتے ہیں۔خوشی ہے کہ اپوزیشن نے مشترکہ لائحہ عمل کے ذریعے پارلیمان کے محاذ پر حکومت کو کئی بار شکست سے دوچار کیا۔

یہ بھی پڑھیں:میرے متعلق رپورٹ ہونے والی خبر حقائق کے منافی ہے،سابق چیف جسٹس ثاقب نثار