اے این ایف کا منشیات کے خلاف کارروائیوں کا سلسلہ جاری

(24 نیوز) انٹی نارکوٹکس فورس نے مختلف کارروائیوں کے دوران بھاری مقدار میں منشیات برآمد کرلیں۔

تفصیلات کے مطابق لاہور انٹرنیشنل ائیرپورٹ پر انڈونیشیا جانیوالے ملزم کے ٹرالی بیگ سے 690 گرام آئس برآمد ہوئی۔ ملزم ننکانہ صاحب کا رہائشی تھا۔

اس کے علاوہ ایک دوسری کارروائی میں مین نیشنل ہائی وے حیدر آباد پر ٹرک سے 41 کلو چرس برآمد کرکے ملزم کو گرفتار کرلیا گیا جو نصیرآباد کا رہائشی تھا۔

یہ بھی پڑھیے: ایف آئی اے کی کارروائی، غیرملکی کرنسی کے کاروبار میں ملوث ملزمان گرفتار

اے این ایف نے کوئٹہ میں کارروائی کرتے ہوئے ایک ملزم سے 3 کلو چرس برآمد کرکے قانونی کارروائی کا آغاز کردیا۔

اے این ایف کی جانب سے ملزمان کو گرفتار کرکے انسدادِ منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔