(24 نیوز )سموگ نے نا صرف پنجاب بلکہ پورے پاکستان کے شہریوں کا جینا دو بھر کر رکھا ہے ایسے میں محکمہ موسمیات نے بارش کی خوشخبری سنا دی ہے ۔
وفاقی دارالحکومت اسلام آباد اور گردونواح میں موسم خشک رہنے کا امکان بتایا گیا ہے ،تا ہم صبح کے اوقات میں مطلع جزوی ابر آلود رہنے کے علاوہ تیز ہواوں اورگرج چمک کے ساتھ بارش ہو سکتی ہے ۔
خیبر پختونخوا کے موسم کی بات کریں تو بیشتر اضلاع میں موسم خشک جبکہ پہاڑی علاقوں میں صبح/ رات کے اوقات میں سرد رہنے کا امکان ہے ، تاہم چترال ، دیر، سوات،مانسہرہ ،ایبٹ آباد، بٹگرام اورکوہستان میں مطلع ابرآلود رہنے کے علاوہ ہلکی بارش اور پہاڑوں پر برفباری ہو سکتی ہے ۔
پنجاب کے بیشتر اضلاع میں بارش کی پیشگوئی کی گئی ہے، جس میں مری، گلیات، جہلم، گجرات،سیالکوٹ اورنارووال میں مطلع جزوی ابر آلود رہنے کے علاوہ صبح کے اوقات میں چند مقامات پر تیز ہواؤں اور گرج چمک کے ساتھ ہلکی بارش ہو سکتی ہے ، لاہور، قصور،اوکاڑہ ، سیالکوٹ، حافظ آباد،ٹوبہ ٹیک سنگھ، جھنگ، نارووال ، گجرات، گوجرانوالہ ، سرگودھا، شیخوپورہ،ساہیوال ، فیصل آباد، بہاولپور ،بہاولنگر، ملتان، لیہ، بھکر ،خانیوال، خانپور، رحیم یار خان،ڈی جی خان اور گردونواح میں صبح /رات کے اوقات میں سموگ/ دُ ھند چھائے رہنے کی توقع ہے ۔
بلوچستان کے بیشتر اضلاع میں موسم خشک جبکہ پہاڑی علاقوں میں صبح/رات کے اوقات میں سرد رہنے کا امکان ہے ،کشمیر اور گلگت بلتستان میں مطلع ابرآلود رہنے کے علاوہ صبح کے اوقات میں چند مقا ما ت پر گرج چمک کے ساتھ ہلکی بارش اور پہاڑوں پر برفباری کی توقع ہے ، آج ریکارڈکئے گئے کم سےکم درجہ حرارت: لہہ منفی04اورکالام میں01ڈگری سینٹی گریڈ ریکارڈ کیا گیا۔