(مانیٹرنگ ڈیسک)تائیوان میں 13 منزلہ رہائشی عمارت میں آتشزدگی سے ہونیوالی ہلاکتوں کی تعداد 46 ہو گئی۔
غیر ملکی میڈیا رپورٹس کے مطابق تائیوان کے مرکزی بندرگاہ شہر کاؤ سونگ میں 13 منزلہ عمارت میں آگ لگ گئی جس سے کم از کم 46 افراد ہلاک اور درجنوں زخمی ہو گئے۔ آتشزدگی کا یہ واقعہ تائیوان کی تاریخ میں کئی دہائیوں میں مہلک ترین حادثہ ہے ۔ میڈیا رپورٹس کے مطابق آگ لگنے کا یہ واقعہ کاؤ سونگ جزیرے کے ہلکے حفاظتی معیارات کے بارے میں خدشات کو اجاگر کرتا ہے۔ تائیوان کے خستہ حال ہاؤسنگ بلاک میں لگنے والی آگ کی وجوہات تاحال معلوم نہیں ہو سکیں۔
یہ بھی پڑھیں: فلسطینی قیدی باپ کی بیٹی سے ملاقات۔۔ ویڈیو دیکھ کر آپ کی آنکھوں میں آنسو ٹپک پڑیں گے