بٹ کوائن کی قیمت میں اضافہ۔۔ٰ60,000ڈالر کا ہوگیا

(ما نیٹر نگ ڈیسک) بٹ کوائن کی قیمت میں اضافہ ،ایک بٹ کوائن 60,000 ڈالر کا ہوگیا۔

تفصیلات کے مطابق  بٹ کوائن کی قیمت چھ ماہ کے دوران بلند ترین سطح پر ہے۔ کورونا وبا کے دوران بٹ کوائن کی بڑھتی قیمت بھی کم ہوئی تھی لیکن اب تیزی سے اپنی پرانی پوزیشن بحال کررہی ہے ۔ایشیائی کرپٹو کرنسی ایکسچینج کے ریسرچ ونگ کے سربراہ بین کیسلائن کا کہنا ہے ای ٹی ایف کی لانچنگ کے بعد بٹ کوائن کی قیمت اگلے چند دنوں تک 60ہزار ڈالر کی حد عبور کرسکتی ہے۔ اس وقت کرپٹو کرنسی کے سرمایہ کار انتہائی بے چینی سے ای ٹی ایف کی منظوری کے منتظر ہیں ۔ مختلف فنڈ مینجر جیسے وینیک بٹ کوائن ٹرسٹ، پروشیئرز، انویسکو، ولکائری اینڈ گلیکسی ڈیجیٹل فنڈز نے ای ٹی ایف بٹ کوائن کی امریکا میں لانچنگ کے لئے درخواستیں دے رکھی ہیں۔ 

یادرہے یوایس سکیورٹیز اینڈ ایکسچینج کمیشن پہلے امریکی بٹ کوائن '' ای ٹی ایف'' کو اگلے ہفتے سے کاروبار کی اجازت دے رہا ہے۔

یہ بھی پڑھیں:میٹرک کےنتائج کا اعلان کر دیا گیا۔۔ کامیابی کا تناسب 98.10فیصد رہا