(ویب ڈیسک) بھارتی گلوکار ارجیت سنگھ گلوکاری کے ساتھ فوٹو گرافی میں بھی ماہر نکلے، سوشل میڈیا پر اریجیت سنگھ کی ایک ویڈیو وائرل ہو رہی ہے جس میں وہ اداکارہ انوشکا شرما کی تصویر لے رہے ہیں۔
گزشتہ روز دنیا کے سب سے بڑے نریندر مودی اسٹیڈیم میں ہونے والے آئی سی سی ورلڈ کپ کے 12ویں میچ میں پاکستان اور بھارت آمنے سامنے آئے، وہی جوش و ولولے اور دلوں کی دھڑکنیں تیز کرتے میچ کے دوران بھارتی گلوکار ارجیت سنگھ کی ویڈیو سوشل میڈیا کی زینت بن گئی جس میں ارجیت سنگھ کا نیا ہنر دنیا کے سامنے آشکار ہوگیا۔
وائرل ویڈیو میں دیکھا جاسکتا ہے کہ بھارت بمقابلہ پاکستان کرکٹ ورلڈ کپ کے دوران اریجیت سنگھ اداکارہ انوشکا شرما کی تصویر بنانے میں مصروف ہیں جس میں ان کا معصومانہ انداز ہر دیکھنے والے کے دلوں کو بھا گیا۔
ویڈیو میں گلوکار سامعین میں بیٹھی انوشکا شرما سے کیمرے کے سامنے پوز دینے کی درخواست کرتے ہیں جس پر اداکارہ نے بے ساختہ ہنستے ہوئے جیت کے نشان کے ساتھ پوز دیا۔
ویڈیو جیسے ہی منظرعام پر آئی ارجیت کے مداح ایک بار پھر گلوکار کی معصومیت پر دل ہار بیٹھے۔
واضح رہے کہ ویڈیو کو اب تک لاکھوں لوگ دیکھ چکے ہیں اور ساتھ ہی پسندیدگی کا اظہار بھی کر رہے ہیں۔ صارفین کا تبصرہ کرتے ہوئے کہنا تھا کہ ’ارجیت جیسا سادہ انسان آج تک نہیں دیکھا۔’
ساتھ ہی انوشکا شرما کی تصویر لینے پر ویرات کوہلی کو مزاحیہ میم بھی زیر گردش ہے جس میں کرکٹر غصے کی حالت میں مزاحیہ انداز میں دیکھ رہے ہیں۔