رات گئے خیبرپختونخوا میں زلزلےکے جھٹکے

(24 نیوز)خیبرپختونخوا کے ضلع سوات کے  گردونواح میں زلزلے کا جھٹکے محسوس کئے گئے، جس کے باعث لوگوں میں خوف وہراس پھیل گیا۔

ریکٹر سکیل کے مطابق سوات میں زلزلے کی شدت 4.1 ریکارڈ کی گئی ، زلزلے کی زیر زمین گہرائی 110 کلومیٹر تھی  جبکہ زلزلے کا مرکز ہندو کش کا پہاڑی سلسلہ تھا۔زلزلے کے جھٹکے محسوس ہونے کے بعد لوگوں میں خوف و ہراس پھیل گیا ، لوگ کلمہ طیبہ کا ورد کرتے ہوئے گھروں سے باہر نکل آئے۔