ہالی ووڈ فلم "جوکر: فولی اے ڈاہ" کو ریلیز کے 10 دن بعد کروڑوں ڈالر کا نقصان

(ویب ڈیسک) ہالی ووڈ فلم "جوکر: فولی اے ڈاہ" رواں ماہ 4 اکتوبر کو ریلیز ہوئی تھی اور ریلیز ہونے کے دس دن کے بعد ہی اسے نارتھ امریکن باکس آفس پر 3 کروڑ 30 لاکھ ڈالر کا نقصان ہوگیا۔

اب یہ فلم پہلی پوزیشن سے تیسری پوزیشن پر آگئی ہے۔ جبکہ پہلی پوزیشن کی جگہ ہارر سیکیوئیل ِ"ٹیری فائر3" نے لے لی ہے۔

جوکر فولی اے ڈاہ نے ریلیز ہوتے ہی 40 ملین ڈالر کے ساتھ امریکن باکس آفس پر پہلا نمبر حاصل کر لیا تھا، لیکن 10 کے اندر اندر فلم کابزنس 80 فیصدگھٹ کر 7.1 ملین ڈالر ہوگیا۔

گذشتہ برس فلم "دی مارویل" کو بھی ایسی ہی صورتحال کا سامنا کرناپڑا تھا جب اس کی آمدنی78 فیصد کم ہوگئی تھی۔

یہ بھی پڑھیں :ڈالر مہنگا ، سٹاک ایکسچینج میں ملا جلا رد عمل

امریکی میڈیاکا کہنا ہے کہ یہ کسی بھی کامک بک فلم کی ایک ریکارڈ کمی ہے،فلم کے ادا کاروں میں جواکین فینکس اور لیڈی گاگا شامل ہیں، جب کہ فلم کے بارے میں ناقدین کی آرا میں تضاد پایا جاتا ہے, کچھ ناقدین کے نزدیک یہ ایک اداس اورجرات مندانہ فلم ہے تو دیگر کے خیال میں یہ مایوس کن، سست اور دلچسپی سے عاری فلم ہے۔