طالبان جنگجو کا خاتون پر تشدد۔۔۔۔۔ویڈیو سامنے آ گئی

(مانیٹرنگ ڈیسک)افغانستان کی ایک مصروف شاہراہ پر ماسک پہنی ایک لڑکی کو مسلح طالبان جنگجو چھڑی سے مارتا ہے لیکن لڑکی بغیر کوئی ردعمل دیے روڈ کراس کرتی ہے۔
 تفصیلات کے مطابق افغانستان کی ایک مصروف شاہراہ پر طالبان جنگجو کی جانب سے سڑک پر چلتی لڑکی کو چھڑی سے مارنے کی ویڈیو سامنے آئی ہے۔افغانستان کی پارلیمنٹ کی سابق ڈپٹی اسپیکر فوزیہ کوفی نے اپنے آفیشل اکاؤنٹ پر ایک ویڈیو پوسٹ کی ہے۔ 

Why??? pic.twitter.com/yQatgWNp12

— Fawzia Koofi (@FawziaKoofi77) September 14, 2021

ویڈیو کے حوالے سے مصدقہ طور پر نہیں کہا جاسکتا ہے کہ یہ کب اور کہاں کی ویڈیو ہے تاہم ویڈیو پر سوشل میڈیا صارفین نے شدید ردعمل کا اظہار کیا ہے۔

خیال رہے کہ گزشتہ دنوں طالبان کے دوحہ سیاسی دفتر کے ترجمان سہیل شاہین نے برطانوی چینل اسکائی نیوزکو دیے گئے انٹرویو میں کہا تھا کہ طالبان کی جانب سے خواتین کو مکمل برقعہ پہننے کیلئے نہیں کہا جائے گا لیکن حجاب پہننا ضروری ہوگا۔

یہ بھی پڑھیں:    القاعدہ ،داعش خراساں کا امریکہ پرحملے کاخدشہ:امریکی ڈائریکٹر ڈیفنس انٹیلی جنس ایجنسی