آپ کی مسلسل محبت اور سپورٹ کا شکریہ۔دلیپ کمار کا ٹوئٹر اکائونٹ بند کرنیکا فیصلہ

  (مانیٹرنگ ڈیسک)فلمی دنیا کے بے تاج شہنشاہ یوسف خان المعروف دلیپ کمار جو کہ رواں برس جولائی کو انتقال کر گئے تھے ان کا ٹوئٹر اکاؤنٹ بند کرنے کا فیصلہ کیا گیا ہے۔

 تفصیلات کے مطابق دلیپ کمار کے تصدیق شدہ ٹوئٹر اکاؤنٹ پر دلیپ خاندان کے گزشتہ 21 برس سے ترجمان فیصل فاروقی نے جاری پیغام میں کہا کہ کافی بحث و مباحثے کے بعد اور سائرہ بانو جی کی رضامندی سے ، میں نے پیارے دلیپ کمار صاحب کا یہ ٹوئٹر اکاؤنٹ بند کرنے کا فیصلہ کیا۔

ٹوئٹ میں مداحوں کیلئے کہا گیا کہ آپ کی مسلسل محبت اور سپورٹ کا شکریہ۔

After much discussion and deliberation and with the consent of Saira Banu ji, I hv decided to close this twitter account of beloved Dilip Kumar Saab. Thank you for your continuous love and support.
-Faisal Farooqui pic.twitter.com/NAabHe1DZu

— Dilip Kumar (@TheDilipKumar) September 15, 2021

خیال رہے کہ سائرہ بانو کے شوہر لیجنڈ اداکار دلیپ کمار رواں سال 7 جولائی کو انتقال کرگئے تھے۔ سائرہ بانو نے 1961میں فلم جنگلی سے بالی ووڈ میں قدم رکھا جس کے بعد انہوں نے پڑوسن، ہیرا پھیری، دیوانہ اور امن جیسی فلموں میں اداکاری کے جوہر دکھائے۔

یاد ر ہے  دلیپ کمار اور سائرہ بانو کی شادی 1966 میں ہوئی تھی اور ان دونوں کی کوئی اولاد نہیں ہے۔

یہ بھی پڑھیں:    افغان ویمن فٹبالرز لاہور پہنچ گئیں