مارنے والے سے بچانے والا زیادہ طاقتور ہے،حافظ حمد اللہ

(24 نیوز)جمعیت علمائے اسلام کے رہنما حافظ حمداللہ کا کہنا ہے کہ زندگی اور موت اللہ کے ہاتھ ہے، مارنے والے سے بچانے والا زیادہ طاقتور ہے۔
24 نیوز سے خصوصی گفتگو میں حافظ حمد اللہ نے کہاکہ مستونگ کے علاقے میں مجھے پر بم دھماکا ہوا ،دھماکا اتنا زور دار تھا جس سے گاڑی کو شدید نقصان پہنچا،ان کا کہناتھا کہ گاڑی میں ہم 4 ساتھی تھے جو سب کے سب محفوظ ہیں،میں بھی بالکل روبصحت ہوں،کوئی پریشانی اور مشکل مسئلہ نہیں ہے،دعاﺅں میں یاد رکھیں۔
رہنما جے یو آئی نے کہاکہ دھماکوں ، شہادتوں کے ہم عادی ہیں،تاریخ میں دیکھیں تو شہادتوں اور زخمیوں کی لمبی فہرست ہے،بنیادی چیز یہ ہے جو دھماکے کرنے اور مارنے والے ہیں ان سے زیادہ طاقت ور بچانے والا ہے،زندگی اور موت اللہ کے ہاتھ میں ہے،آپ سے درخواست ہے کہ اپنی دعاﺅں میں یاد رکھیں۔