(24نیوز) زرمبادلہ کے ذخائر 4 سال کی بلند ترین سطح پر آگئے ہیں۔
سٹیٹ بینک آف پاکستان کے مطابق 2.5 ارب ڈالر کے یورو بانڈز کی نیلامی کے بعد ذخائر میں نمایاں اضافہ ہوا۔ زرمبادلہ کے سرکاری ذخائر 16 ارب 10 کروڑ 64 لاکھ ڈالر کی سطح پر آگئے۔ کمرشل بینکوں کے پاس 7 ارب 11 کروڑ 39 لاکھ ڈالر موجود ہیں۔
زرمبادلہ کے مجموعی ذخائر کی مالیت 23 ارب 22 کروڑ ڈالر کی سطح پر آگئی۔ 9 اپریل کو ختم ہونے والے ہفتہ کے دوران سرکاری ذخائر میں 2 ارب 57 کروڑ 90 لاکھ ڈالر کا اضافہ ریکارڈ کیا گیا۔ سرکاری ذخائر جولائی 2017 کے بعد بلند ترین سطح پر آگئے ہیں۔
یہ بھی پڑھیں: بارش ہوگی یا نہیں۔۔محکمہ مو سمیات کا اہم اعلان