کوئٹہ :تعلیمی اداروں میں 51 مثبت کوروناکیس رپورٹ،6 سکول بند
کیپشن: کورونا کے باعث سکول بند
Stay tuned with 24 News HD Android App
(24نیوز)کوئٹہ میں کورونا وائرس کے پھیلاؤ کے باعث مزید2 سکول بند کردیے گئے جس کے بعد شہر میں 2 روز کے دوران بند کیے گئے سکولوں کی تعداد 6 ہوگئی۔
ضلعی ایجوکیشن آفیسر کوئٹہ کے مطابق اساتذہ اور طلبا میں کورونا وائرس کی تشخیص کے بعد کوئٹہ کے گورنمنٹ گرلز ہائی سکول ہزارہ ٹاون اور گورنمنٹ بوائز ہائی سکول وحدت کالونی کو 15 اپریل سے 21 اپریل تک7 دنوں کے لیے بند کردیا گیا ہے۔محکمہ تعلیم کا کہنا ہے کہ سکولوں کو محکمہ صحت کے ذریعے ڈس انفکیٹ کروایا جائےگا۔
خیال رہے کہ گزشتہ روز کوئٹہ کے تعلیمی اداروں میں 51 مثبت کیس رپورٹ ہونے کے بعد 4 سکولوں کو 21 اپریل تک 7 دنوں کے لیے بند کردیا گیا تھا۔
یہ بھی پڑھیں: آئندہ 15 دن تک شادی ہال بند رہیں گے۔۔سکول بند کرنے کا انتباہ