سٹاک مارکیٹ میں تیزی کا رجحان،ڈالرسستا 

(24 نیوز )پاکستان سٹاک ایکسچینج میں تیزی کا رجحان برقرار ، انڈیکس نے ایک لاکھ ، 17 ہزار کی حد عبور کر لی ، تبادلہ مارکیٹ میں ڈالر بھی معمولی سستا ہو گیا۔

کاروباری ہفتے کے تیسرے روز بھی اسٹاک ایکسچینج میں کاروبار کے دوران تیزی رہی ، کاروبار کے آغاز پر 100 انڈیکس میں450 پوائنٹس کا اضافہ ریکارڈ کیا گیا جس کے بعد انڈیکس ایک لاکھ ، 17 ہزار 225 پوائنٹس پر پہنچ گیا۔

 یہ بھی پڑھیں:چین کو عالمی سطح پر تنہا کرنے کا پلان، امریکہ نے نیا جال بچھا دیا

گزشتہ روز کاروباری دن کے اختتام  پر انڈیکس ایک لاکھ ، 16 ہزار 775 کی سطح پر بند ہوا تھا۔

دوسری جانب تبادلہ مارکیٹ میں ڈالر کی قیمت میں معمولی کمی ہوئی ، ایکسچینج کمپنیز ایسوسی ایشن کے مطابق 7 پیسے کی کمی سے انٹر بینک میں ڈالر 280 روپے 50 پیسے پر ٹریڈ کر رہا ہے۔