میچ میں فتح کے بعد شاہین آفریدی اور انشا کے بیٹے کی سٹیڈیم سے پہلی بار تصاویر وائرل

( 24 نیوز )  پی ایس ایل 10  میں لاہور قلندرز اور کراچی کنگز کے میچ کے بعد   شاہین آفریدی اور انشا کے بیٹے کی سٹیڈیم سے پہلی بار تصاویر وائرل ہو گئیں ۔

 تفصیلات کے مطابق کراچی کے نیشنل بینک اریناسٹیڈیم میں لاہور قلندرز اور کراچی کنگز کا میچ ہوا جس میں قلندرز نے  65 رنز سے کامیابی حاصل کی۔

سوشل میڈیا کے کئی پیجز پر میچ کے بعد  سٹیڈیم کے کچھ مناظر شیئر کیے گئے جس میں شاہین کی گود میں ان کا بیٹا عالیار آفریدی موجود ہے۔

وائرل تصاویر میں کراچی کنگز کے فاسٹ بولر حسن علی کو شاہین کے بیٹے کے ساتھ کھیلتے دیکھا جاسکتا ہے۔

 یہ بھی پڑھیں :ملاقاتیں،پارٹیاں،زیورات،مہنگے تحائف ،میچ فکسنگ خدشات، کرکٹ بورڈ کی وارننگ جاری

اس کے علاوہ ان تصاویر میں شاہد آفریدی کی دو چھوٹی بیٹیاں بھی موجود ہیں جو گزشتہ رات کراچی اور لاہور کا میچ دیکھنے کراچی کے  سٹیڈیم آئی تھیں۔

یہاں یہ بات بھی قابلِ ذکر ہے کہ اس سے قبل شاہین شاہ آفریدی بیٹے کے ہمراہ ایسی تصاویر شیئر کرتے رہے ہیں جس میں عالیار کا چہرہ دکھائی نہیں دے رہا تھا جبکہ اب سٹیڈیم سے یہ تصاویر سوشل میڈیا کی زینت بنی ہوئی ہیں۔

واضح رہے کہ لاہور قلندرز نے پہلےکھیلتے ہوئے مقررہ 20 اوورز میں 6 کھلاڑیوں کے نقصان پر 201 رنز بنائے تھے جس کے جواب میں کراچی کنگز کی پوری ٹیم 20 ویں اوور میں 136 رنز پر ڈھیر ہوگئی۔