برطانیہ میں پیٹرول کی قیمتوں میں کمی سے مہنگائی میں غیر متوقع کمی

(ویب ڈیسک)برطانیہ میں پیٹرول کی قیمتوں میں مسلسل کمی کی وجہ سے اشیائے خور و نوش بھی سستی ہوگئیں اور شہریوں نے سکھ کا سانس لیا ہے۔

عالمی خبر رساں ادارے کے مطابق گزشتہ ماہ برطانیہ کے افراطِ زر کی شرح میں توقع سے زیادہ کمی ریکارڈ کی گئی جو کہ 2.6 فیصد پر آ گئی تھی۔مہنگائی میں اس غیر متوقع کمی کی وجہ پیٹرول کی قیمتوں میں مسلسل کمی ہونا ہے تاہم مہنگائی میں یہ کمی عارضی ہوسکتی ہے۔

یہ بھی پڑھیں:کیا واقعی بشریٰ بی بی کے پاس جادو کی چھڑی ہے؟ عمران خان مرشد کیوں کہتے ہیں؟

ماہرین نے خدشہ ظاہر کیا ہے کہ کاروباری لاگت میں اضافے کی وجہ سے مہنگائی میں ایک بار پھر اضافہ ہوسکتا ہے۔اس کی ایک وجہ یہ بھی ہے پیٹرول کی قیمتوں میں کمی بیشی معمول کی بات ہے اور اپریل میں ہوسکتا ہے قیمتیں بڑھنا شروع ہوجائیں۔

یہ خیال بھی ظاہر کیا جا رہا ہے کہ مہنگائی کی اس کمی کی ایک وجہ حکومت کا قیمتوں پر مصنوعی طریقے سے کنٹرول ہے کیوں کہ انتخابات قریب ہیں۔بینک آف انگلینڈ کے مطابق رواں برس افراطِ زر اپنے ہدف 2 فیصد سے بڑھ کر 3.7 فیصد ہو جائے گی۔

یاد رہے کہ برطانیہ میں بڑھتی ہوئی مہنگائی سے شہری کافی پریشان ہیں اور نئی حکومت کو اپنی پالیسیوں پر شدید تنقید کا بھی سامنا ہے۔

یہ بھی پڑھیں:مقبول ترین سمارٹ فونز کی فہرست جاری،صارفین کس کمپنی کا فون ڈھونڈتے رہے؟دلچسپ خبر