”یہی پاکستانی میری ترجیح ہیں“ وزیراعظم نے کچرا اکٹھا کرنےوالے بچے کی تصویر شیئر کردی

(24 نیوز) وزیر اعظم عمران خان نے سائیکل پر کچرا اکٹھا کرنے والے بچے کی تصویر شیئر کرتے ہوئے کہا کہ یہی پاکستانی میری ترجیح ہیں جنہیں ہماری ریاست نے اب تک نظر انداز کیا ہے۔
تفصیلات کے مطابق وزیر اعظم عمران خان نے سماجی رابطے کی ویب سائٹ ٹویٹر پر سائیکل پر کچرا اکٹھا کرنے والے بچے کی تصویر شیئر کی۔ وزیر اعظم نے اپنے ٹویٹ میں کہا کہ انشا اللہ یہی پاکستانی میری ترجیح ہیں جنہیں ہماری ریاست نے اب تک نظر انداز کیا ہے۔

انشاءاللہ یہی پاکستانی تو میری ترجیح ہیں جنہیں ہماری ریاست نے اب تک نظرانداز کیا ہے۔ pic.twitter.com/2oixgVdQnf

— Imran Khan (@ImranKhanPTI) August 15, 2021

اس سے پہلے ایک اور ٹویٹ میں وزیر اعظم نے پختونخوا حکومت کو ایبٹ آباد میں سرسبز پاکستان کیلئے کی گئی کوششوں میں نمایاں خدمات پر مبارکباد دی۔
وزیر اعظم کا کہنا تھا کہ جدکار بانڈہ بدلاں کے مقام پر بنجر زمین سرسبز بنانے کی کوشش قابل ستائش ہے۔ انہوں نے اپنے ٹویٹ میں مذکورہ علاقے کی سرسبز ہونے سے پہلے اور بعد کی تصاویر بھی شیئر کیں۔

پاکستان کو سرسبز و شاداب بنانے کے حوالے سے ایبٹ آباد میں کی جانے والی کاوشیں جڈکر بنڈہ بیڈلینڈ کے مناظر میں واضح ہیں۔ #10BillionTreeTsunami کے ہدف کے حصول کی دوڑ میں آگے نکلنے پر خیبرپختونخوا مبارکباد کامستحق ہے۔ pic.twitter.com/xkniMtmk1s

— Imran Khan (@ImranKhanPTI) August 15, 2021

یہ بھی پڑھیں: وزیراعظم عمران خان سے ترک صدر کا ٹیلیفونک رابطہ، افغانستان کی صورتحال پر تبادلہ خیال