ٹیسٹ کرکٹر اظہر علی نے ریٹائرمنٹ کا اعلان کردیا

(ویب ڈیسک) پاکستانی ٹیسٹ کرکٹر اظہر علی نے ریٹائرمنٹ کا اعلان کردیا، انگلینڈ کے خلاف کراچی ٹیسٹ ان کے کیریر کا آخری میچ ہوگا۔

کراچی میں پریس کانفرنس کرتے ہوئے اظہر علی نے کہا کہ ہر چیز کے ختم ہونے کا وقت ہوتا ہے۔ 

اظہر علی نے کہا کہ یہ مناسب وقت ہے کل میرے کیریر کا آخری ٹیسٹ میچ ہوگا، پاکستان کی نمائندگی کرنا اعزاز کی بات ہے۔

یہ بھی پڑھیے: پی ایس ایل 8، حفیظ، کامران اور احمد شہزاد کسی فرنچائز ٹیم کا حصہ نا بن سکے

سابق کپتان نے کہا کہ میں چار پانچ سال انجری کا شکار رہا، اپنے مداحوں کا شکریہ ادا کرنا چاہتا ہوں جنہوں نے بھرپور سپورٹ کیا۔

واضح رہے کہ پاکستان اور انگلینڈ کے درمیان 3 ٹیسٹ میچوں کی سیریز کا آخری میچ کل سے کراچی میں شروع ہوگا۔