کنسرٹ کے دوران بلی ایلش کیساتھ مداح کی نازیبا حرکت، ویڈیو وائرل
Stay tuned with 24 News HD Android App
(ویب ڈیسک)گریمی ایوارڈ یافتہ معروف پاپ گلوکارہ بلی ایلش کے ساتھ مداح کی گھٹیا حرکت کی ویڈیو سوشل میڈیا وائرل ہورہی ہے جس نے ان کے مداحوں کو غصہ دلا دیا۔
تفصیلات کے مطابقامریکی ریاست ایریزونا میں مقبول امریکی گلوکارہ بلی ایلش کے حالیہ کنسرٹ کے دوران ایک ناخوشگوار واقعہ پیش آیا جس پر انکے مداحوں کی جانب سے غم و غصے کا اظہار کیا جارہا ہے۔
میڈیا رپورٹ کے مطابق بلی ایلش کے لائیو کنسرٹ میں مصروف تھیں جس دوران شرکا میں سے کسی نے ان پر کوئی چیز پھینکی جو ان کر منہ پر جا لگی، چند میڈیا رپورٹس میں بتایا گیا ہے کہ ان پر پھینکے جانے والی چیز ایک ’بریسلٹ‘ تھا۔
وائرل ویڈیو میں دیکھا جاسکتا ہے کہ 22 سالہ پاپ سٹار سٹیج پر آلتی پالتی مارے بیٹھی تھیں اور مشہور ہالی ووڈ فلم "باربی"کا گانا "?What Was I Made For" گا رہی تھیں۔
یہ بھی پڑھیں : "کرشمہ کا کرشمہ" کی روبوٹ اداکارہ رشتہ ازدواج میں منسلک ہوگئیں، تصاویر وائرل
خوش قسمتی سے بلی ایلش نے بروقت آنکھیں بند کرکے منہ دوسری طرف کرلیا اور ان کی آنکھ گہری چوٹ لگنے سے بال بال بچ گئی۔
اس اچانک واقعے پر کنسرٹ میں موجود شرکاء حیران و پریشان رہ گئے، بلی ایلش نے بھی ایک لمحے کیلئے آنکھیں بند کرکے برا سا منہ بنایا لیکن فوراً بعد ہی دوبارہ گانا گانے میں مصروف ہوگئیں۔
واقعہ کی ویڈیو وائرل ہوئی تو گلوکارہ کے مداحوں سمیت سینکڑوں سوشل میڈیا صارفین نے اِس واقعہ کو شرمناک اور تضحیک آمیز قرار دیا۔
بلی ایلش کے مداح اس واقعے پر سخت ناراض ہیں اور چاہتے ہیں کہ چیز پھینکنے والے کو کڑی سزا دی جائے جبکہ اس نازیبا حرکت پر بلی ایلش کے ردعمل کو لوگوں نے خوب سراہا اور ان کی پیشہ ورانہ مہارت اور اعتماد کی خوب تعریف کی۔