(انور عباس) بھارتی شہری حمیدہ بانو کو پاکستانی حکام نے ان کی شہریت کی تصدیق کے بعد واہگہ اٹاری سے واپس بھارت بھیج دیا ۔
سفارتی ذرائع کے مطابق، حمیدہ بانو کی شہریت کی تصدیق ہونے کے بعد دفتر خارجہ نے انہیں 10 روز سے کم مدت میں وطن واپس بھجوانے کا فیصلہ کیا۔ انہیں طویل العمری پر انسانی ہمدردی کے تحت واپس بھیجا گیا۔ حمیدہ بانو نے 2002 میں بھارت چھوڑا تھا اور انہیں ایک بھرتی ایجنٹ نے دبئی میں خانساماں کی نوکری کا وعدہ کیا تھا، تاہم انہیں دبئی کی بجائے پاکستان پہنچا دیا گیا۔ میڈیا پر معاملہ اجاگر ہونے کے بعد پاکستانی وزارت خارجہ نے اس کیس پر کام کیا، تاہم حمیدہ بانو کی شہریت کی تصدیق میں تھوڑا وقت لگا۔