(روزینہ علی)محکمہ موسمیات نے ملک کے بیشتر علاقوں میں موسم کے حوالے سے پیشگوئی کرتے ہوئے کہا ہے کہ پہاڑی علاقوں میں شدید سرد ی کے ساتھ ہلکی بارش اور پہاڑوں پر ہلکی برفباری ہو سکتی ہے۔
آج رات موسم کی صورتحال کے حوالے سے محکمہ موسمیات کا کہنا ہے کہ ملک کے بیشتر علاقوں میں موسم سرد اورخشک جبکہ پہاڑی علاقوں میں شدید سرداور مطلع جزوی ابرآلود رہنے کا امکان ہے۔
منگل کے روزموسم کے حوالے سے موسم کا حال بتانے والوں کا کہنا ہے کہ اسلام آباد اور گردونواح میں موسم سرد اور مطلع جزوی ابر آلود رہنے کا امکان ہے،خیبرپختونخوا کے بیشتر اضلاع میں موسم سرد اورخشک جبکہ پہاڑی علاقوں میں شدید سرد اور مطلع جزوی ابر آلود رہنے تاہم چترال، دیر ،سوات اور کرم میں ہلکی بارش اور پہاڑوں پر ہلکی برفباری ہو سکتی ہے۔
پنجاب کے بیشتر اضلاع میں موسم سرد اورخشک رہنے جبکہ مری، گلیات اور گردو نواح میں موسم شدید سرد اور مطلع جزوی ابرآلود رہنے کی توقع ہے،صبح کے اوقات میں سیالکوٹ، ناروال، گوجرنوالہ، جہلم، لاہور ،فیصل آباد، ساہیوال، اوکاڑہ ، ملتان،بہاولپور، رحیم یار خان ، بہاولنگراور گردونواح میں بعض مقامات پر ہلکی سے درمیانی یا ہلکی سموگ چھائے رہنے کی توقع ہے۔
بلوچستان کے بیشتر اضلاع میں موسم سرد اورخشک جبکہ پہاڑی علاقوں میں شدید سردرہے گا تاہم میدانی اضلاع میں تیز ہوا ئیں چلنے کا امکان ہے جبکہ سندھ کے بیشتر اضلاع میں موسم سرد اورخشک رہنے اورصبح کے اوقات میں سکھر ، شکارپور، کشمور، خیر پور اور گردونواح میں ہلکی دھند چھائے رہنے کی توقع ہے۔
کشمیر میں موسم شدید سرد اور مطلع جزوی ابرآلود رہنے کا امکان ہے جبکہ گلگت بلتستان میں مطلع جزوی ابرآلود رہنے کے علاوہ ہلکی بارش اور پہاڑوں پر ہلکی برفباری کا امکان ہے۔
یہ بھی پڑھیں: ژوب میں زلزلے کے جھٹکے، لوگوں میں خوف و ہراس پھیل گیا