پاکستان اور جنوبی افریقا کے درمیان ون ڈے سیریز کی ٹرافی کی رونمائی

(محمد حماد)پاکستان اور جنوبی افریقا کے درمیان ون ڈے سیریز کی ٹرافی کی رونمائی کر دی گئی ۔پاکستان ٹیم کے  کپتان محمد رضوان اور جنوبی افریقا کے کپتان ٹیمبا باووما نے ٹرافی کی رونمائی کی  ۔

 پاکستان اور جنوبی افریقا کے درمیان ون ڈے سیریز کل سے پارل میں شروع ہوگی۔دوسرا میچ19 دسمبر کو کیپ ٹاؤن اور تیسرا میچ 22 دسمبر کو جوہانسبرگ میں ہوگا۔

پاکستان سکواڈ میں عبداللہ شفیق ، کامران غلام اور نسیم شاہ کی واپسی ہوئی ہے جبکہ سفیان مقیم اور عثمان خان پہلی بار ون ڈے سکواڈ کا حصہ ہیں۔

سیریز سے متعلق کپتان محمد رضوان کا کہنا تھا کہ آئی سی سی چیمپئنز ٹرافی کیلئے ہماری تیاریوں کے لحاظ سے یہ ایک اہم ون ڈے سیریز ہے۔

بحیثیت کپتان رضوان کی تیسری ون ڈے سیریز ، پچھلی دونوں سیریز جیت چکے ہیں۔

  ٹیسٹ میچز بالترتیب 26 دسمبر اور 3 جنوری کو سنچورین اور کیپ ٹاؤن میں شروع ہوں گے۔

یہ بھی پڑھیں:پنجاب میں اراکین اسمبلی کے وارے نیارے،تنخواہوں میں لاکھوں روپے اضافہ