وہ ڈرامہ جس میں ٹک ٹاکر رجب بٹ نے اداکاری کی

(ویب ڈیسک)گرفتاری کے بعد رہائی مگر رجب بٹ سوشل میڈیا پر زبان زدعام ہیں،عام شہری کی طرح زندگی گزارنے والے رجب بٹ آج ایک سپرسٹار، اور معروف یوٹیوبر بن چکے ہیں۔کیا اداکاری بھی کرتے رہے؟

ٹک ٹاکر رجب بٹ نے پہلے پہل تو دیگر یوٹیوبرز کی طرح فیملی وی لاگنگ شروع کی جس میں وہ اپنی فیملی کو بھی دکھاتے تھے،ان کا کانٹینٹ کچھ اسطرح کا تھا جس میں کبھی انہیں مار کھاتے دکھا گیا تو کبھی اپنی بہن کو تنگ کرتے ہوئے لوگوں کی توجہ کا مرکز بنے لیکن پھر قسمت کی دیوی جس پر مہربان ہوجائے تو اس کے وارےنیارے ہوجاتے ہیں۔

 ایسا ہی کچھ رجب بٹ کے ساتھ بھی ہوا، یہ فیملی وی لاگ مداحوں میں اتنا مقبول ہوا کہ آج رجب بٹ کو پاکستان کا ہر بچہ بچہ جانتا ہے یہی وجہ تھی کہ ان کے وی لاگز کے ویوز میں دن بدن اضافہ ہوتا چلا گیا ۔

رجب بٹ کو آج تک صارفین صرف وی لاگر کے طور پر جانتے ہیں مگر یہ وی لاگر ایک اداکار بھی رہ چکے ہیں ،انہوں اس بات کا انکشاف ایک پوڈکاسٹ میں کیا ،ان کا بتانا تھا کہ وہ اداکاری کی دنیا میں بھی اپنی صلاحیتوں کا لوہا منواچکے ہیں جبکہ وہ ایک ماڈل کے طور پر بھی جانے جاتے ہیں۔

ضرورپڑھیں:اداکارشہریار منور کی شادی میں ڈھولکی کی ویڈیو سوشل میڈیاوائرل

رجب بٹ کے مطابق انہوں نے تقریباً 10 سال قبل اداکارہ کنزہ ہاشمی کیساتھ ایک ڈراما کیا تھا جس میں انکا لیڈ رول کافی پسند کیا گیا،اس انکشاف کے بعد اگر ماضی کے اس پراجیکٹ پر نظر ڈالی جائے تو رجب بٹ اور کنزہ ہاشمی کا یہ ڈراما ’رانی’ تھا جو 2008 میں جیو انٹرٹینمنٹ پر نشر کیا گیا تھا،اگرچہ کہ اداکاری کا یہ تجربہ رجب بٹ کیلئے پہلا تھا لیکن انکی وجۂ شہرت نہ بن سکا اور یوٹیوب وی لاگنگ نے انہیں شہرت بخشی۔