سپر لیگ پاکستان کی پہچان ، فینز کومایوس نہیں کرونگا، شاہد آفریدی

(24 نیوز)پاکستان کرکٹ کے سپر اسٹار آل رائونڈر شاہ آفریدی نے کہا ہے کہ وہ اس مرتبہ پاکستان سپر لیگ (پی ایس ایل) میں اپنی کارکردگی سے مداحوں کو مایوس نہیں کریں گے۔

تفصیلات کے مطابق پی ایس ایل فرنچائز ملتان سلطانز کے آل رائونڈر شاہد آفریدی نے میڈیا سے گفتگوکرتے ہوئے کہا ہے کہ پاکستان سپرلیگ کے چھٹے ایڈیشن کے لئے ہر کوئی پرجوش ہے۔انہوں نے کہا کہ کرکٹرز ایکشن جبکہ فینز اپنی ٹیموں کو سپورٹ کرنے کیلئے پرجوش ہیں۔
بوم بوم آفریدی کا کہنا تھا کہ یہ لیگ نوجوان ٹیلنٹ کیلئے کافی اہم ہے، پاکستان کو اس لیگ کی وجہ سے بہت ٹیلنٹ ملا۔دنیا کی کسی بھی لیگ سے موازنہ کرتے ہوئے شاہد آفریدی نے کہا کہ میں نے دنیا بھر میں لیگ کھیلی، لیکن پی ایس ایل میں بولنگ کا معیار سب سے بہتر پایا۔
انہوں نے کہا کہ میں نے پی ایس ایل جیسی زبردست بولنگ کسی بھی لیگ میں نہیں دیکھی۔بہت سارے غیر ملکی کرکٹرز پی ایس ایل کھیلنے کے خواہشمند ہیں۔
چھٹے ایڈیشن کی ٹیموں پر بات کرتے ہوئے بوم بوم آفریدی کا کہنا تھا کہ اس بار تمام ٹیمیں اچھی ہیں، زبردست مقابلہ ہوگا۔ پاکستان سپر لیگ بڑا برانڈ ہے، اس بار بھی سب مل کر اسے کامیاب بنانے کی کوشش کریں گے۔