شمالی وزیرستان،سیکورٹی فورسز کا آپریشن، 3 دہشتگرد ہلاک

(24 نیوز)شمالی وزیرستان کے علاقے میر علی میں سکیورٹی فورسز کے انٹیلی جنس بیسڈ آپریشن کے دوران کالعدم تنظیم کے تین اہم دہشت گرد ہلاک ہو گئے۔
تفصیلات کے مطابق سیکورٹی فورسز کے آپریشن میں ہلاک ہونے والے دہشت گردوں میں کمانڈر اکبردین، مدثر اور نیک محمد شامل ہیں۔ ہلاک دہشت گردوں کا تعلق کالعدم تنظیم کے اہم رکن علیم خان خوشالی گروپ سے ہے۔
 ہلاک دہشت گرد ٹارگٹ کلنگ، سیکورٹی فورسز پر حملوں اور دیگر سنگین جرائم میں مطلوب تھے۔