(24 نیوز) انٹی نارکوٹکس فورس کی منشیات کیخلاف ملک بھر میں کارروائیاں جاری ہیں۔
ترجمان اے این ایف کے مطابق کوئٹہ کے علاقے کچلاک کےقریب کارروائی کرتے ہوئے خالی مکان سے 50 کلوگرام ہیروئن برآمد کرلی۔
ایک دوسری کارروائی میں اےاین ایف نے اسلام آباد جی ٹی روڈ سنگجانی ٹول پلازہ کےقریب کارروائی کرتے ہوئے ایک ملزم گرفتار کرلیا، ملزم کی گاڑی کےخُفیہ خانےسے15 کلو6 سو گرام چرس اور 8 کلو 4 سو گرام افیون برآمد کرلی گئی۔
یہ بھی پڑھیے: لاہور، سی آئی اے اور ڈاکوؤں کے مابین فائرنگ، ایک ملزم ہلاک
ترجمان اے این ایف کے مطابق ایک اور کارروائی میں کراچی انٹرنیشنل ائیرپورٹ پر فلائٹ نمبر G 9540 سےبین الاقوامی اسمگلر گرفتار کر لیا گیا، شارجہ جانے والے مسافر سے 8 سو 68 گرام ہیروئن برآمد کی گئی، ملزم نے ہیروئن لیپ ٹاپ اور ٹرالی بیگ میں چھُپا رکھی تھی۔
اسی طرح ایف سی اے این ایف نے خیبر میں مشترکہ کارروائی کرتے ہوئے پاک افغان بارڈرپر پلاسٹک کےتھیلوں سے25 کلوگرام چرس برآمد کرلی ۔
ترجمان اے این ایف کے مطابق مُلزمان کیخلاف انسدادِ منشیات ایکٹ کے تحت مقدمات درج کرکے مزید کارروائی کا آغاز کردیا گیا ہے۔