منیبہ علی کی تاریخی سنچری، کرکٹ لیجنڈز بھی تعریف کیے بناء نا رہ سکے

(ویب ڈیسک) ویسٹ انڈیز کے سابق بولر اور کمنٹیٹر این رافیل بشپ نے پاکستان کی جانب سے پہلی ٹی ٹوئنٹی سنچری کرنے والی ویمنز ٹیم کی کرکٹر منیبہ علی کیلئے تعریفی ٹوئٹ کی ہے۔

این بشپ نے اپنے مصدقہ ٹوئٹر اکاؤنٹ سے منیبہ علی کی کارکردگی پر تالیوں والا ایموجی بنایا اور ساتھ ہی انہوں نے لکھا ’منیبہ پر پورے پاکستان کو فخر کرنا چاہیئے اور ہوگا‘۔

Muneeba Ali ????????????????????????????????. All of Pakistan should and will be proud.

— Ian Raphael Bishop (@irbishi) February 15, 2023

اس کے علاوہ سابق پاکستانی کپتان محمد حفیظ نے بھی منیبہ علی کی اننگز پر انہیں مبارکباد پیش کی۔

Congratulations @MuneebaAli17 on scoring ???? in T20 international #PakvsIreland #T20worldcup pic.twitter.com/sGAin79Y1M

— Mohammad Hafeez (@MHafeez22) February 15, 2023

پاکستان کے سابق فاسٹ بولر وقار یونس نے منیبہ علی کی اس سنچری کو شاندار قرار دیا۔

Magnificent Muneeba???????????? @cricketworldcup #PAKvsIRL @MuneebaAli17 ???? #PakistanZindabad???????? pic.twitter.com/5Gd8HHTkbK

— Waqar Younis (@waqyounis99) February 16, 2023

واضح رہے کہ کیپ ٹاؤن میں کھیلے جا رہے آئی سی سی ویمنز ٹی ٹوئنٹی ورلڈ کپ میں گروپ ٹو کے میچ میں پاکستان کی منیبہ علی نے آئر لینڈ کے خلاف 66 گیندوں پر شاندار سنچری اسکور کی۔

منیبہ کی اننگز میں 14 چوکے شامل تھے اور انہوں نے مجموعی طور پر 68 گیندوں پر 150 کے اسٹرائیک ریٹ سے 102 رنز کی اننگز کھیلی۔

منیبہ پاکستان کی جانب سے ویمنز ٹی ٹوئنٹی انٹرنیشنل اور ویمنز ٹی ٹوئنٹی ورلڈ کپ میں سنچری اسکور کرنے والی پہلی بیٹر بن گئی ہیں۔