(24نیوز) لٹل ماسٹر عالمی ریکارڈ یافتہ سابق بھارتی کرکٹر سچن ٹنڈولکر نے انسٹاگرام پر اپنے پالتو جانوروں کی ایک ویڈیو شیئر کی۔ ویڈیو میں انہیں ان کے ساتھ کھیلتے ہوئے دیکھا جا سکتا ہے۔
یہ پہلا موقع نہیں جب سچن ٹنڈولکر نے اپنے مداحوں اور پیروکاروں کو اپنے پالتو کتوں سے متعارف کرایا ہو۔ اس سے قبل، جنوری میں، انہوں نے ایک ویڈیو شیئر کی تھی جس میں وہ اپنے پیارے دوستوں کے ساتھ گھومتے ہوئے نظر آئے تھے۔
وہ اکثر اپنے کھانے پینے کی مہمات، خاندان کے افراد اور ان مقامات کی ویڈیوز بھی شیئر کرتے ہیں جہاں وہ سفر کرتے ہیں اور جن لوگوں سے وہ ملتے ہیں۔ ان کا انسٹاگرام دلچسپ ویڈیوز سے بھرا ہے۔
حال ہی میں سابق بھارتی کرکٹر نے انسٹاگرام پراپنے دو پالتو جانوروں، اسپائیکی اور میکسی کی ایک ویڈیو شیئر کی، اس میں انہیں پالتو کتوں کے ساتھ وقت گزارتے ہوئے دیکھا جا سکتا ہے۔ ایسا لگتا تھا کہ کتے بھی ان کی صحبت سے پیار کرتے ہیں، کیونکہ وہ ان کے ساتھ 'فچ' کھیلتے تھے۔
انسٹاگرام پر شئیر کی جانے ویڈیو کو 2.9ملین ویوز ہو چکے ہیں۔
تبصرے کا سیکشن دل اور پیار کے ایموجیز سے بھرا ہوا ہے۔ ان کی بیٹی سارہ ٹنڈولکر، سریش رائنا، راجپال یادو اور کئی دیگر نے ان کی پوسٹ پر تبصرہ کیا۔