سچن ٹنڈولکر بھی ’انڈین کرکٹ گرل‘ کے گرویدہ ہوگئے

(ویب ڈیسک) انڈین کرکٹ ٹیم کے سابق کپتان اور بلے بازی کی دنیا کے بڑے ناموں میں سے ایک سچن ٹنڈولکر سوشل میڈیا پر وائرل ہونے والی ایک ویڈیو میں بلے بازی کرتی کم عمر لڑکی کی مہارت کے فین ہوگئے۔

سوشل میڈیا پر وائرل ہونے والی اس ویڈیو میں کھیتوں کے قریب ایک کم سن لڑکی کو زبردست شاٹس کھیلتے ہوئے دیکھا جاسکتا ہے۔

Kal hi toh auction hua.. aur aaj match bhi shuru? Kya baat hai. Really enjoyed your batting. ????????????#CricketTwitter #WPL @wplt20

(Via Whatsapp) pic.twitter.com/pxWcj1I6t6

— Sachin Tendulkar (@sachin_rt) February 14, 2023

ویڈیو میں دیکھی جانے والی کم عمر لڑکی کی جارحانہ اور گراؤنڈ کے چاروں جانب شاٹس کھیلنے پر ان کا موازنہ ٹی ٹونٹی کے عالمی نمبر ایک کھلاڑی سوریا کمار یادو سے کیا جارہا ہے۔
یہ ویڈیو ممبئی میں منعقدہ ویمنز پریمیئر لیگ کی نیلامی کے صرف ایک دن بعد وائرل ہوئی۔

ٹنڈولکر نے اپنی ٹویٹ میں لکھا: ’کل ہی تو نیلامی ہوئی اور آج میچ بھی شروع؟ کیا بات ہے۔۔ میں واقعی آپ کی بیٹنگ سے لطف اندوز ہوا۔‘