بھارتی کمپوزر آر ڈی برمن کی اہلیہ گلو کارہ آشا بھوسلے کی آخری خواہش کیا؟

   (24 نیوز)بھارت سے تعلق رکھنے والی لیجنڈ گلوکارہ آشا بھوسلے نے مرنے سے قبل اپنی آخری خواہش کا اظہار کر دیا۔

آشا بھوسلے نے حال ہی میں ایک پوڈ کاسٹ میں شرکت کی جہاں انہوں نے اپنی زندگی سے متعلق گفتگو کی،گلوکارہ نے اپنے آنجہانی شوہر اور لیجنڈری میوزک کمپوزر آر ڈی برمن کو یاد کرتے ہوئے ان کی تعریفیں کیں اور بتایا کہ وہ غیر معمولی فطرت کے انسان تھے اور وہ ایک مشہور میوزک ڈائریکٹر ہونے کے باوجود خود کو ایسا نہیں سمجھتے تھے، ان میں کوئی غرور بھی نہیں تھا۔

مزید پڑھیں:ٹریفک کا رش، بھارتی طالب علم پیراگلائیڈنگ کے ذریعے امتحان دینے پہنچ گیا

اس کے علاوہ انہوں نے اپنی زندگی کی آخری خواہش کے حوالے سے بتایا کہ ایک ماں کی خواہش ہوتی ہے کہ اس کے بچے خوش رہیں، ایک نانی یا دادی کی خواہش ہوتی ہے اس کے پوتا پوتی یا نواسا نواسی خوش رہیں لیکن میں اپنی آخری سانس تک گانا چاہتی ہوں۔

 لیجنڈ گلوکارہ نے مزید کہا کہ میری اب صرف یہی خواہش ہے کہ میں گاتے ہوئے مر جاؤں، میرے لیے سیکھنے کے لیے کچھ نہیں بچا، میں نے پوری زندگی گایا ہے، میں نے 3 سال کی عمر میں کلاسیکل موسیقی سیکھنا شروع کی اور 82 سال سے پلے بیک گلوکارہ ہوں، اب یہی خواہش ہے کہ گاتے ہوئے میرا سانس نکل جائے، اور یہ ہی مجھے سب سے زیادہ خوشی دے گی۔